Yığcam və cibinizə rahat yerləşən smartfon axtarırsınız? iPhone 13 Mini modelini qarşılayın. Özündə böyüdülmüş kameraları, inanılmaz məhsuldarlığı, 2438 mAh həcmli batareyanı birləşdirən smartfon yeni Green rəngində təqdim edilib.

Görünüş

Korpusun yaşıl rəngi sayəsində iPhone Mini diqqəti cəlb edir. Smartfonun alüminium və möhkəmləndirilmiş hamar şüşədən hazırlanan gövdəsi premium görünüşə sahibdir. Cihaz cəmi 141 qram çəkisindədir. Ön hissədə 5.4 düymlü OLED ekran yerləşdirilib. Displeyin parlaqlığı 28% artırılıb. Beləliklə, günəş işığı altında belə video izləyə və ya məqalə oxuya biləcəksiniz. IP68 qorunma dərəcəsinə sahib smartfon sudan qorxmur. Onu təsadüfən əlinizdən suya salsanız daxili hissələr zədələnməyəcək.

Prosessor və Avtonomluq

Apple A15 Bionic çipi sayəsində iPhone 13 Mini smartfonunun məhsuldarlığı və funksionalı iPhone 13 modellərindən seçilmir. Yeni çip qrafikanı daha sürətli emal edir və sistem proseslərinə tələb olan enerjinin qənaətli sərf edilməsini təmin edir. iPhone 13 Mini 12-ci Mini ilə müqayisədə 1.5 saat çox işləyir. Bundan başqa A15 çipi təhlükəsizlik sisteminin işini təkmilləşdirib. Artıq vacib sənədlərinizi, iş fayllarını smartfonda saxlaya biləcəksiniz. Bundan başqa çəkdiyiniz videolar, şəkillər üçün də kifayət qədər yer mövcuddur. Sözügedən model 512 GB daxili yaddaşa sahibdir.

Kameralar

Yeni kamera sistemi yeni imkanlar deməkdir. iPhone 13 Mini kameraları ilə istənilən vəziyyətdə, istənilən işıqlandırma səviyyəsində mükəmməl şəkillər yaradacaqsınız. Arxa paneldə olan kameralar diaqonal yerləşdirilib. Nəticədə, optik stabilləşmə və hərəkət edən matris üçün yer ayrılıb. 12 meqapikselli geniş bucaqlı kamera 47% daha çox işıq tuta, 12 meqapikselli ultra geniş bucaqlı kamera isə zəif işıq şəraitində belə detallı kadrlar yarada bilir.

Video çəkiliş prosesinin keyfiyyətini artırmaq üçün Apple öz kameralarını daha da təkmilləşdirib. Apple A15 Bionic çipinin köməkliyi ilə iPhone 13 Mini "Kinoeffekt" rejimində videolar yarada bilir. Bu rejimin köməkliyi ilə çəkiliş zamanı fokusu bir obyektdən ikincisinə yönəldəcəksiniz. Bu üsül tez-tez filmlərin çəkilişi zamanı istifadə edilir. Beləliklə, Apple kameraları peşəkar fotoapparatın imkanlarına sahibdir.

Smartfonun bütün kameraları "Smart HDR 4" rejimində şəkillər çəkə bilir. Bu rejim qrup şəklində olan kadrlar üçün istifadə edin və dostlarınızdan "Bu şəkildə mən yaxşı düşməmişəm" ifadəsini bir daha eşitməyəcəksiniz. "Smart HDR 4" texnologiyası obyektivə düşən hər bir nəfər üçün parlaqlığı, kontrastı individual olaraq tənzimləyir. Nəticədə, hər dəfə ideal foto əldə edəcəksiniz.