Nokia 8000 DS Black

Son 6-7 ildə dünyada smartfonlara üstünlük verilsə də düyməli telefonlar öz aktuallığını itirmir. Bu səbəbdən Nokia şirkəti yeni modelləri ilə istifadəçilərini sevindirməyə davam edir. Nokia 8000 DS modeli möhkəm və istifadədə sadə telefon sevənlərin, iş adamlarının seçimidir. Cihaz qara rəngdə təqdim edilib. Korpus parlaq plastikdən hazırlanıb. Hamar düyməyər nömrənin və mətnin rahat yığılmasını təmin edir. Korpusun üst hissəsində güc düyməsi və qulaqlıq üçün 3.5 mm giriş, alt hissədə micro USB girişi yerləşdirilib. Arxa paneldə kamera, fləş və multimedia dinamiki mövcuddur. Ön paneldə danışıq dinamiki və mikrofon var. Bu da zəng zamanı səsin ikitərəfli təmiz və aydın ötürülməsi üçün imkan yaradır.

Digər düyməli telefonlara nisbətən Nokia 8000 DS modeli iri 2.8" düymlü displey ilə təchiz edilib. Ekran görüntünü aydın və dəqiq təsvir edir. Cihaza WhatsApp, YouTube, Facebook, Google Maps, Google Assistance tətbiqləri quraşdırılıb. Beləliklə, Wi-Fi və ya 4G şəbəkə vasitəsilə asanlıqla internetdən istifadə edə, sosial şəbəkələrinizi izləyə biləcəksiniz. Telefonun brauzeri səhifəni sürətli yükləyir. Digər faydalı imkanlara Wi-Fi Hotspot funksiyasını aid etmək olar. Wi-Fi olmayan yerlərdə notbukunuzu internetlə təmin edə biləcəksiniz.

Nokia 8000 DS eyni anda 2 NanoSIM nömrələrinin işini dəstəkləyir. Təqdim edilən yaddaş 512 MB-dır. Lakin microSD kart vasitəsilə əlavə 32 GB saxlama yeri əldə etmək olar. Şəkillərin və videoların yaradılması üçün telefon 2 meqapikselli kamera ilə təchiz edilib. Batareya tutumu 1500 mAh-dır. Bu da, fasiləsiz danışıq rejimində 3-8.5 saat və standart istifadə üçün 2-3 gün ərzində kifayətdir.