Premium görünüşə və böyük gücə malik notbuk axtarırsınızsa MacBook Air 13 Gold modelinə nəzər yetirməyi məsləhət edirik. Apple M1 çipi üzərində işləyən notbuk geniş imkanları ilə sevilir.

Görünüş və Ekran

Alüminium korpusun yan tərəflərində 2 ədəd Thunderbolt 3 və qulaqlıq üçün girişlər mövcuddur. Gecə zamanı sürətli mətn yığa bilməyiniz üçün notbukun klaviaturası işıqlandırmaya malikdir. Klaviaturanın sağ və sol hissələrində dinamiklər yerləşdirilib. Səs güclü və təmiz ötürülür. Bütün işlərinizi tamamlayıb asanlıqla film izləyə bilərsiniz. Macbook 13 Touch ID dəstəkləyir. Barmaq izini skan edərək notbuku blokdan çıxara, Apple TV tətbiqində ödəniş edə bilərsiniz.

13.3” düymlü Retina displey cızıqlara davamlı olan şüşə ilə örtülüb. Əlavə olaraq ekran çox rahat təmizlənir. Xüsusi oleofob örtüyün üzərində barmaq izləri əmələ gəlmir. Əks parıltı xüsusiyyətləri sayəsində kontent günün istənilən vaxtı rahat oxunur. Rənglərin parlaqlığı görüntünün daha real və detallı təsvir edilməsini təmin edir. Geniş baxış bucağına sahib ekran sevdiyiniz videoları, ən yeni filmləri izləmək üçün ideal ölçülərə sahibdir. TrueTone texnologiyası işıqlandırmanı avtomatik olaraq ətrafınızdakı işıqlandırmaya əsasən dəyişir.

MacBook Air 13 modelində təkmilləşdirilmiş veb kamera yerləşdirilib. Nəticədə, FaceTime vasitəsilə video zəng zamanı görüntü daha keyfiyyətli ötürülür. Neural Engine maşın öyrənmə sistemi sayəsində notbuk üz cizgilərinizi yaddaşda saxlayır və növbəti istifadə zamanı ətrafınızdakı işıqlandırmaya əsasən dərinizin tonunu təbii təsvir edir. 3 ədəd mikrofon sayəsində isə səsiniz aydın ötürüləcək.

Məhsuldarlıq

MacBook Air 13 notbuklarında ilk dəfə olaraq Apple brendinin istehsal etdiyi M1 çipi istifadə edilib. Yeni çipdə mərkəzi və qrafik prosessorlar, Neuran Engine sistemi, Thunderbolt kontrolleri və digər vacib komponentlər birləşir. Nəticədə, komponentlər məlumatı öz aralarında sürətli ötürür. Beləliklə, notbukun məhsuldarlığı artıb. İnanılmaz gücə malik prosessorlar tapşırıqlarınızı yerinə yetirərkən batareyanın enerjisini səmərəli sərf edirlər. Bu səbəbdən MacBook daha uzun müddət ərzində avtonom işləyə bilir.

MacBook Air 13 modelində iPhone və iPad üçün tətbiqləri istifadə etmək mümkündür. Beləliklə, smartfonunuzda olan tətbiqləri notbuka yükləyib mobil oyunları oynaya, yemək sifariş verə, bank tətbiqlərindən istifadə edə bilərsiniz. Rosetta 2 texnologiyası ilə Intel prosessoru üçün nəzərdə tutulan tətbiqləri MacBook-da yükləmək və istifadə etmək olar.