Yüksək məhsuldarlığa və sürətə malik MacBook Pro 14 notbukunu qarşılayın. Sözügedən model iş üçün yaradılıb və premium kateqoriyalı notbuklara aiddir. 

Görünüş 

Cihazın gövdəsi mat alüminiumdan hazırlanıb. Sözügedən model tam ölçülü MacBook Pro notbukunun gücünə malikdir və eyni zamanda daha yığcamdır. Onu istənilən yerə özünüzlə apara və tamamlanmamış işlərinizi yerinə yetirə biləcəksiniz. 

Lazım olan avadanlığı qoşa bilməyiniz üçün gövdənin yan hissələrinə xüsusi girişlər əlavə edilib. Sol tərəfdə MagSafe, 2 ədəd Thunderbolt 4 və 3.5 mm qulaqlıq üçün girişlər mövcuddur. Sağ tərəfdə isə UHD II SD kart üçün slot, Thunderbolt 4 və HDMI 2.0 girişləri yerləşdirilib. Yeni MacBook Pro modelinin klaviaturası rahat istifadə üçün yaradılıb. Mətnləri sürətli yığa biləcəksiniz. Klaviaturanın üst hissəsində Touch ID yerləşdirilib. Skaner barmaq izini müəyyənləşdirərək notbuku sürətli blokdan çıxara bilir. 

Ekran və Səs 

Cihaz 14" Liquid Retina XDR displeyi ilə təchiz edilib. TrueTone texnologiyası rənglərin təbii və parlaq ötürülməsini təmin edir. Ekranın ölçüləri kimi parlaqlığı da artırılıb. Maksimal parlaqlıq 500 nit təşkil edir. HDR kontentin izlənilməsi zamanı isə parlaqlıq 1600 nitə qədər yüksəlir. Displeyin üst hissəsində yerləşdirilən kamera təkmilləşdirilib və görüntünü HD 1080 p keyfiyyətində ötürür. 

MacBook Pro 14 modelində 6 ədəd Hi-Fi dinamiklərdən ibarət audio sistem quraşdırılıb. Nəticədə, səs daha güclü və təmiz təsvir edilir. Cihaz Dolby Atmos texnologiyasını dəstəkləyir. 3 ədəd mikrofon sayəsində isə danışıq zamanı səsiniz aydın ötürüləcək. MacBook Pro 14-lə hətta podkast yazmaq mümkündür. 

Məhsuldarlıq və Avtonomluq 

M1 Pro çipi ilə yerinə yetirə bilməcəyiniz tapşırığınız qalmayacaq. Yeni çip özündə 8 nüvəli mərkəzi prosessoru, 16 nüvəli qrafik prosessoru, Neural Engine maşın öyrənməsi texnologiyasını birləşdirir. Bu səbəbdən yeni MacBook Pro tapşırıqları inanılmaz dərəcədə sürətli yerinə yetirir və eyni zamanda batareyanın enerjisini effektiv sərf edir. Nəticədə, notbukun avtonom işləmə müddəti artır. 

Apple M1 Pro istənilən şəraitdə maksimal məhsuldarlığı təmin edəcək. FinalCut Pro kimi tətbiqlərdə, çətinliyindən asılı olmayaraq, videoların montajı daha sürətli olacaq. Eyni anda 20-dək tətbiqlərin açılmasına cəmi 52 saniyə vaxt tələb olunur. Yeni çipin köməkliyi ilə notbuk 7-10 saat intensiv iş rejimində işləməyə qadirdir. Operativ yaddaş 16 GB, SSD isə 512 GB təşkil edir.