S21FE modeli Samsung brendinin pərəstişkarlarına yönləndirilib. S21 Fan Edition smartfonunda sürətli prosessor, peşəkar kameralar və yüksək avtonomluq birləşir.

Dizayn və Ekran

Klassik üslübda olan smartfonlara üstünlük verirsinizsə White rəngində təqdim edilən Samsung S21FE modelini bəyənəcəksiniz. Mat plastikdən hazırlanan korpus üzərində barmaq izlər əmələ gəlmir. Nəticədə, smartfon qoruyucu örtüksüz belə səliqəli görünüşə sahibdir. Cihaz cəmi 177 qram çəkisindədir və ələ rahat yerləşir. IP68 qorunma dərəcəsi sayəsində smartfon su altında 1.5 metr dərinliyində qala bilir. Arxa və ön paneli bir-biri ilə metal çərçivə birləşdirir. Çərçivənin alt hissəsində dinamik, mikrofon, USB Type-C, və 2 nanoSIM üçün girişlər mövcuddur. Güclü dinamik smartfonu stereo səslə təmin edir.

Samsung Galaxy S21FE Dynamic AMOLED 2X ekrana sahibdir. Ekranın çərçivəsi daha nazik olub, nəticədə daha çox kontent təsvir edilir. Displey Gorilla Glass Victus ilə çatlardan qorunur. Maksimal ekran tezliyi 120 Hz-dır. Bu isə daha hamar görüntü və daha çox detallar deməkdir. Artırılmış parlaqlıq sayəsində yeni dərc olunmuş məqaləni gün işığı altında oxuya biləcəksiniz. Smartfon Always On Display funksiyanı dəstəkləyir. Beləliklə, aktiv istifadə etdiyiniz tətbiqlər, smartfona gələn bütün bildirişləri, vaxt, tarix və enerji barədə məlumat ekranda əks ediləcək.

Prosessor və Avtonomluq

Samsung S21 FE qiymeti və imkanları ilə istifadəçilərinin qəlblərini qısa müddət ərzində fəth edə bilib. Bunun səbəbi güclü Qualcomm SM8350 prosessorunda bağlıdır. Yeni prosessor və 6 GB operativ yaddaş sayəsində smartfonun interfeysi sürətli işləyir. Displeyin aydınlığını maksimuma qaldırıb 120 Hz ekran tezliyində PUBG Mobile oyununu işə salsanız belə görüntü donmayacaq və oyunu rahat idarə etmək olar.

4500 mAh həcmli batareya sayəsində cihazdan aktiv istifadə etsəniz belə axşam evinizə qayıdanda smartfonun enerjisi 10-15% təşkil edəcək. Batareyanın tutumu 68 saat musiqi dinləmək üçün kifayət edir. 25 Vt adapter vasitəsilə smartfonu 30 dəqiqə ərzində 50%-dək şarj etmək mümkündür. Ekran tezliyini 60 Hz təyin edib enerji qənaət rejimini işə salsanız 50% qədər şarj edilən batareya günün sonunadək sizə kifayət edəcək.

Kameralar

S21FE smartfonu 32 meqapikselli ön kameraya sahibdir. Onun vasitəsilə üz tanıma funksiyasının işi yerinə yetirilir. Ön kamera ilə yüksək keyfiyyətli selfilər yaradacaqsınız. Bu modul stabilizasiya ilə təchiz edilib və “Portret” rejimini dəstəkləyir. Arxa paneldə yerləşən kamera blokuna 12 meqapikselli əsas kamera, 8 meqapikselli telefoto kamera və 12 meqapikselli geniş bucaqlı kamera daxildir. Əsas kamera optik stabilisasiyaya sahibdir. Onun köməkliyi ilə istənilən vəziyyətdə ideal kadr yaratmaq mümkündür. 3X optik zoom-la təchiz edilmiş telefoto kamera uzaq kadrları daha yaxın edir.