Paltar tikmək hobbinizdirsə etibarlı və keyfiyyətli tikiş maşınının əldə edilməsi işinizi asanlaşdıracaq. Tikiş maşınları arasında seçiminizi Janome JQ2515S modelində dayandırmağı məsləhət edirik. Həm texniki imkanlarına, həm də xarici görünüşünə görə bu cihaz istifadəçilər tərəfindən çox sevilir.

Görünüş

Janome tikiş maşınının korpusu plastikdən hazırlanıb və ürəkaçan dizayna sahibdir. Yan tərəfdə yerləşən təkər iynənin hündürlüyünü idarə edir. Ön tərəfdə olan birinci düymə tikiş proqramlarını seçmək və ziqzaq tikişinin enini təyin etmək üçün nəzərdə tutulub. İkinci düymə vasitəsilə tikişarasının uzunluğunu tənzimləyəcəksiniz. Əlavə olaraq alt hissədə Revers düyməsi yerləşir.

Platformanın alt hissəsi çıxarılır. İçində aksessuarları saxlamaq üçün konteyner mövcuddur. Həmin konteynerdə komplektasiyaya daxil 4 ədəd makara, gözəmə üçün lövhə, zəncirbənd üçün pəncə, gizli tikiş üçün pəncə, ilmə üçün pəncəni və tikiş iynələrini yerləşdirmək olar. Maşının sürətini xüsusi pedal vasitəsilə idarə edəcəksiniz.

Funksiyalar

Janome overlok tikişi, adi, ziqzaq, gizli tikişlərlə yanaşı ilmələr hazırlamaq mümkündür. Cihaz 15 tikiş rejiminə malikdir. LED işıqlandırma sayəsində zəif işıq şəraitində belə rahat işləyəcəksiniz. Tikiş zamanı qatlar eləmək istəyirsinizdə tikiş maşını bu tapşırığın öhdəsindən asanlıqla gəlir. Parça qalın olsa belə sıxıcı pəncə qatın üzərindən asanlıqla keçir.