Xiaomi Black Shark 4 8/128 GB Black

Mobil oyunları sevirsiniz? O zaman sizə Xiaomi Black Shark 4 oyun smartfonu lazımdır! Bu cihazda ağlasığmaz güc toplanır. Yeni Snapdragon 870 5G prosessoru smartfonu inanılmaz sürət və məhsuldarlıq ilə təmin edir. Ən ağır qrafikaya sahib oyunlar bir neçə saniyə ərzində işə salınır, ekran donmur. Cihazdan uzun müddət istifadə etsəniz belə korpus isinməyəcək.

Smartfonun ən əsas fərqliliyi xüsusi oyun düymələridir. Düymələri üzə çıxartmaq üçün korpusun böyür hissəsində yerləşən pərdələri yan tərəfə sürüşdürmək kifayətdir. Beləliklə, oyunu daha dəqiq idarə edə biləcəksiniz.

Cihaz 6.7" düymlü Super AMOLED ekran ilə təchiz edilib. Geniş rəng çalarları sayəsində hətta qaranlıq səhnələrdə mükəmməl görüntü əldə edilir. Vizual effektlərin xırda detalları belə dəqiq ötürülür. Nəticədə daha keyfiyyətli oyun prosesi təmin edilir. Bənzərsiz görüntü dərin və təmiz səs ilə birləşir. Korpusun üst və aşağı hissələrində yerləşən stereodinamiklər sayəsində oyuna tam dalma effekti əldə edəcəksiniz.

Güclü məhsuldarlıq güclü enerji tələb edir. Bu səbəbdən Black Shark 4 tutumlu 4500 mAh-li batareya ilə təchiz edilib. Ən əsası isə, 120 Vt adapter vasitəsilə smartfonun enerjisini 0%-dən 100% qədər cəmi 15 dəqiqəyə bərpa etmək olar! Mükəmməl nəticədir.

Black Shark 4 oyun smartfonu hesab edildiyi üçün əsas diqqət cihazın məhsuldarlığına və tutumlu batareyasına yetirilib. Lakin, buna baxmayaraq smartfonda müasir kameralar sistemi mövcuddur. Arxa korpusda 48 meqapikselli əsas kamera, 8 meqapikselli geniş bucaqlı kamera, 5 meqapikselli makro kamera yerləşdirilib. Ön paneldə isə 20 meqapikselli selfi kamera var. 128 GB daxili yaddaş çəkdiyiniz şəkillərin, videoların, yüklədiyiniz oyunların saxlanılması üçün imkan yaradır.