Xiaomi Poco X4 Pro peşəkar kamera sisteminə, böyük yaddaşa və yüksək sürətə malikdir. Smartfonunuzu yeniləmək istəyirsinizsə seçiminizi bu modeldə dayandırmağı məsləhət edirik.

Görünüş və Displey

Smartfon Laser Black rəngində təqdim edilib. Plastik qara korpus Poco X4 Pro modelini bərk zərbələrdən qoruyur. Gorilla Glass 5 materialı 6.67 düymlü ekranı cızıqlara davamlı edib. Smartfon barmaq izi skanerinə malikdir. Bundan başqa Xiaomi smartfonu vasitəsilə evinizdə olan texnikanı idarə edə biləcəksiniz. Bunun üçün korpusun üst hissəsində infraqırmızı sensor var. Gövdənin alt 2 ədəd nanoSIM və ya 1 nanoSIM, 1 microSD kart, USB Type-C girişləri, dinamik, mikrofon mövcuddur. İkinci mikrofon, dinamik və 3.5 mm qulaqlıqlar üçün giriş üst tərəfdə, infraqırmızı sensorun yanında yerləşir.

1080 x 2400 ekran həllinə və 120 Hz tezliyə sahib AMOLED displey filmlərin və videoların HD keyfiyyətində izlənilməsi, ən yeni oyunların detallı və parlaq qrafikası üçün yaradılıb. Toxunuşlara həssas sensor sayəsində isə interfeysi asanlıqla idarə edəcəksiniz.

Məhsuldarlıq və Avtonomluq

Poco X4 Pro modeli sürəti və məhsuldarlığı ilə seçilir. Bunun səbəbi Qualcomm Snapdragon 695 5G prosessorda bağlıdır. Prosessor kamera sisteminin işini optimallaşdırır. Aktiv istifadə zamanı belə smartfonun gövdəsi isinmir. Tətbiqlər arasında keçid edə, xəbər lentini sürətli sürüşdürə bilərsiniz. Ekranın görüntüsü donmayacaq. Prosessor hətta ağır qrafikaya sahib oyunların çevik işə salınmasını təmin edir.

Özünüzlə hər yerdə adapterdən USB naqili aparmağı artıq vərdiş etmisinizsə Poco X4 Pro batareyasının imkanları sizi təəccübləndirəcək. Gün ərzində smartfondan aktiv istifadə etsəniz belə günün sonunadək enerjisiz qalmayacaqsınız. Əlavə olaraq, smartfon sürətli enerji yığmanı dəstəkləyir. 67 Vt adapter vasitəsilə 31 dəqiqə ərzində batareyanın enerzisini 0%-dan 90% qədər bərpa etmək olar.

Kameralar

Şəkillərin yaradılması üçün nəzərdə tutulan kamera bloku qeyri-adi görünüşü ilə diqqəti cəlb edir. Bloka daxil olan 108 meqapikselli əsas kamera ilə əlavə tətbiq yükləmədən parlaq və detallı şəkillər və Full HD keyfiyyətində videolar yarada biləcəksiniz. Kamera stabilizasiya sistemi ilə təchiz edilib. Bu isə o deməkdir ki, hərəkət edən maşınları, oynayan uşaqları çəkmək istəsəniz görüntü öz stabilliyini qoruyacaq. Arxa fonda olan obyektlərin tam olaraq kadra düşməsini istəyirsinizsə 8 meqapikselli ultra geniş bucaqlı kameradan istifadə edin. 2 meqapikselli makro kamera iri planlar üçün yaradılıb. Bundan başqa istənilən vaxt aydın şəkillər yarada bilməyiniz üçün smartfonda Gecə, 108 mpx, Videoklip, Panorama, Dokumentlər və s. rejimləri mövcuddur.