Redmi 9C qiymeti ilə tanış olub smartfonu evinizdən çıxmadan canlı görə bilərsiniz. Bunun üçün "Canlı video məsləhətçi" xidmətimizdən yararlanmağı unutmayın. Gözəçarpan narıncı korpusa, həcmli batareyaya və sadə interfeysə sahib smartfon istifadəçilər tərəfindən çox sevilir.

Görünüş və Displey

Xiaomi Redmi 9C Orange ilə daim diqqət mərkəzində olacaqsınız. Smartfonun gövdəsi plastikdən hazırlanıb. Teksturalı arxa paneli sayəsində istifadə zamanı telefonu təsadüfən əlinizdən yerə salmayacaqsınız. Smartfonda saxlanılan bütün məlumatların təhlükəsizliyini təmin etmək üçün barmaq izi skaneri mövcuddur. Skaner dəqiq və sürətli ekranı blokdan çıxarır. Əlavə olaraq Redmi 9C modelində üz tanıma funksiyası var. Gövdənin alt hissəsində microUSB üçün giriş, dinamik və mikrofon var. Yan hissələrdə səs idarəetmə ilə güc düymələri, 2 nanoSIM və 1 microSD kart üçün giriş mövcuddur.

Redmi 9C 6,53” düymlü IPS LDC ekrana malikdir. Rənglər parlaq və təbii təsvir edilir. HD+ ekran həlli və böyük ölçülü ekran sayəsində video və filmləri smartfonda izləməkdən həzz alacaqsınız. Kontent günün istənilən vaxtı rahat oxunur. Avtomatik tənzimlənən aydınlığı sayəsində smartfondan uzun müddət ərzində istifadə etsəniz belə gözləriniz yorulmayacaq.

Məhsuldarlıq və Avtonomluq

Xiaomi Redmi 9C 128GB ağlasığmaz məhsuldarlığa sahibdir. Bunun səbəbi bütün sistem proseslərini effektiv idarə edən MediaTek Helio G35 prosessorundadır. Android 10 əməliyyat sistemi və sadə interfeys asan istifadəni təmin edir. İnterfeysin görünüşünü zövqünüzə görə dəyişmək olar. İstifadə üçün açıq və tünd rejimlər mövcuddur. Bundan başqa cihazda "Reading Mode" rejimi var. Bu rejim sayəsində saatlarla kitab oxusanız belə gözləriniz ekrana baxmaqdan yorulmayacaq. Cibinizdə sevdiyiniz kitablardan ibarət kiçik bir kitabxana daşıyacaqsınız.

Daha çox iş yerinə yetirə bilməyiniz üçün Xiaomi öz smartfonunun avtonomluğunu artırıb. 5000 mAh həcmli batareya sayəsində cihazın enerjisi hətta intensiv istifadə zamanı günün sonunda tükənməyəcək. Oyunların və mahnıların yüklənilməsi, çəkdiyiniz şəkillərin, videoların saxlanılması üçün 128 GB daxili yaddaş təqdim edilib.

Kamera Sistemi

Redmi 9C modelinin kamera bloku istifadə üçün daim hazırdır. 13 meqapikselli əsas kamera gün ərzində parlaq şəkillər çəkə bilməyiniz üçün nəzərdə tutulub. Arxa paneldə yerləşən bloka fləş əlavə edilib. Onun köməkliyi ilə gecə zamanı aydın kadrlar əldə etmək olar. Daha yaxın və detallı fotolar üçün 2 meqapikselli makro moduldan istifadə edin. 2 meqapikselli dərinlik sensoru ilə arxa fonu bulanıq etmək mümkündür. Peşəkarcasına emal edilmiş şəkillər əldə etmək üçün əlavə tətbiq yükləmək lazım olmayacaq. Video zənglər və selfilər üçün ön paneldə 5 meqapikselli kamera yerləşir.