Xiaomi Pad 5 bütün ailə üzvlərinizin istifadə edəcəyi planşetdir. Onun vasitəsilə oyun oynamaq, filmlər və videolar izləmək, işləmək, xəbərlər, kitablar oxumaq mümkündür. 511 qram çəkisi sayəsində isə planşeti getdiyiniz yerə özünüzlə apara biləcəksiniz.

Görünüş

Ağ korpus hamar plastikdən hazırlanıb. Yan çərçivənin materialı alüminiumdur. Gövdənin alt hissəsində 2 ədəd dinamik, mikrofon, USB Type-C, üst hissədə 2 ədəd dinamik, mikrofon və güc düymələri yerləşir. Yan tərəflərdə sağda səs düyməsi, 2 ədəd mikrofon və stilusu birləşdirmək üçün xüsusi maqnit, solda isə planşetə klaviaturanın qoşulması üçün konnektor var.

Arxa paneldə 13 meqapikselli əsas kamera və fləş yerləşdirilib. Kamera ilə 4K keyfiyyətində videolar və HDR şəkillər yaradacaqsınız. Zəif işıq şəraitində şəkillərin çəkilməsi üçün "Gecə" rejimləri mövcuddur. Displeyin üst hissəsində 8 meqapikselli kamera mövcuddur. Kamera video zənglər zamanı görüntünün keyfiyyətli ötürülməsinə cavabdehdir. Əlavə olaraq, onu selfilərin çəkilməsi üçün istifadə etmək olar.

Displey

Xiaomi Pad 5 modeli 11" düymlü LCD IPS displeylə təchiz edilib. Parlaq rənglər və 120 Hz ekran tezliyi sayəsində detallı təsvir edilən görüntü sayəsində baxışdan zövq alacaqsınız. Özünüzü kinoteatrda hiss edə bilməyiniz üçün planşet 4 ədəd Dolby Atmos texnologiyasını dəstəkləyən dinamiklərə malikdir.

Ekranın parlaqlığı 500 nitə qədər artırılıb. Əlavə olaraq cihaz True Tone texnologiyasını dəstəkləyir. Bu texnologiya rənglərin tonunu avtomatik ətrafınızdakı işıqlandırmaya uyğunlaşdırır. Nəticədə, planşetdən uzun müddət ərzində istifadə etsəniz gözləriniz yorulmayacaq.

Məhsuldarlıq

Xiaomi Pad 5 modelini daha məhsuldar edən Snapdragon 860 prosessor planşetin bütün sistem proseslərini effektiv idarə edir. Yenilənmiş interfeys ekranın iki hissəyə bölünməsini dəstəkləyir. Nəticədə, eyni anda bir neçə tətbiqdən istifadə edəcəksiniz. 6 GB operativ yaddaş tətbiqlərin sürətli yüklənilməsini və işə salınmasını təmin edir. Planlaşdırdığınız bütün işləyin yerinə yetirilməsi üçün Xiaomi brendi öz planşetini 8720 mAh həcmli batareya ilə təchiz edib. Vacib məlumatın saxlanılması üçün 128 GB daxili yaddaş mövcuddur.