Xiaomi Poco X4 Pro müasir smartfonun sahib ola biləcəyi bütün funksiyaları özündə birləşdirir. 108 meqapikselli əsas və 16 meqapikselli selfi kamera, 128 GB yaddaş, tükənməyən batareya sayəsində smartfon qısa müddət ərzində istifadəçilərinin məmnuniyyətini qazana bilib.

Görünüş və Displey

Kütlədən seçilməyi sevirsinizsə smartfonun gövdəsi qəlbinizi fəth edəcək. Parlaq sarı rəngdə təqdim edilən korpus bütün diqqəti özünə cəlb edir. Möhkəm plastik Poco X4 Pro modelinin arxa panelini etibarlı şəkildə qoruyur. Ekran Gorilla Glass 5 ilə örtülüb. Beləliklə, 6.67 düymlü AMOLED displeyin üzərində cızıqlar əmələ gəlməyəcək. Məlumatlarınızın təhlükəsizliyini təmin etmək üçün smartfonda barmaq izi skaneri mövcuddur. Skaner güc düyməsinin üzərinə quraşdırılıb.

Poco Pro X4 smartfonunu ilə evinizdəki texnikanı idarə etmək mümkündür. Bunun üçün gövdənin üst hissəsində infraqırmızı sensor var. Smartfonun alt hissəsində 2 ədəd nanoSIM, USB Type-C girişləri, dinamik və mikrofon mövcuddur. İkinci mikrofon, dinamik və 3.5 mm qulaqlıqlar üçün giriş üst tərəfdə, infraqırmızı sensorun yanında yerləşir.

120 Hz ekran tezliyinə sahib AMOLED displey detallı qrafikaya sahib oyunların işə salınması, HD keyfiyyətində filmlərin izlənilməsi üçün idealdır. 1080 x 2400 ekran həlli sayəsində görüntü dəqiqliyi və parlaqığı ilə seçilir. 2 ədəd stereo dinamiklər sayəsində isə baxış prosesindən daha çox həzz alacaqsınız. Dinamiklər səsi güclü və aydın ötürür. Toxunuşlara həssas olan sensor smartfonun idarəsini asanlaşdırır.

Məhsuldarlıq və Avtonomluq

Poco X4 Pro smartfonunu ağlasığmaz məhsuldarlıq və sürətlə Qualcomm Snapdragon 695 5G prosessor təmin edir. Smartfonun sistemi istənilən tapşırığı saniyələr ərzində yerinə yeritirməyə imkan yaradır. Ağır qrafikaya sahib oyunları uzun müddət ərzində oynayanda cihazın korpusu isinmir.

Gün ərzində zəng edə, yaxınlarınızla ünsiyyətdə qala, sosial şəbəkələrinizi və xəbərləri izləyə, filmlərə baxa, musiqi dinləyə bilərsiniz. Batareyanın 5000 mAh tutumu günün sonunadək tükənməyəcək. Cihazı səhər şarj edib evdən rahat çıxa bilərsiniz. Axşama qədər adapternən USB naqil sizə lazım olmayacaq. Smartfon sürətli enerji yığmanı dəstəkləyir. 67 Vt adapter vasitəsilə 31 dəqiqə ərzində batareyanın enerjisini 0%-dan 90% qədər bərpa etmək olar.

Kameralar

Keyfiyyətli şəkillər yaratmaq istəyirsinizsə bu arzunuzu arxa paneldə yerləşən müasir kamera bloku yerinə yetirəcək. 108 meqapikselli əsas kamera parlaq şəkillər və Full HD videolar yarada bilir. Stabilizasiya sistemi ilə təchiz edilmiş modul siz hərəkətdə olsanız belə görüntünün stabilliyini qoruyur. Kamera həm gün işığı altında, həm axşam gəzintisi zamanı aydın və detallı şəkillər çəkir. İstənilən şəraitdə ideal kadrı yaratmaq üçün Poco X4 Pro modelində Gecə, 108 mpx, Videoklip, Panorama, Dokumentlər və s. rejimləri əlavə edilib. Bundan başqa smartfonda geniş bucaqlı, makro kamera və 16 meqapikselli əsas kamera mövcuddur.